ပဌာန်း အဓိပ္ပါယ် အမှားတွေ Share လုပ်နေကြတဲ့သူတွေ သိစေဖို့

 ပဌာန်း အဓိပ္ပါယ် အမှားတွေ Share လုပ်နေကြတဲ့သူတွေ သိစေဖို့

Credit::::::::

လောကမှာ •••

အမှားခံလို့ လုံးဝမရတာ

မြတ်ဗုဒ္ဓ ဟောကြားခဲ့တဲ့

ဓမ္မတရားတွေပဲ ဖြစ်ပါတယ် ...

ဆရာတင် မှားရင်

တစ်သံသရာလုံး မှောက်

ဆိုတဲ့ စကားလည်း ရှိပါတယ်။

ပဋ္ဌာန်း ( ၂၄ ) ပစ္စည်း

#မြန်မာပြန်အမှား

××××× ××××× ×××××

လူမှုကွန်ရက် ( Facebook ) ၏

Page တစ်ခုနှင့်

FB သုံးစွဲသူ Acc အတော် များများသည် -

``ပဋ္ဌာန်း(၂၄)ပစ္စည်း´´ကို ( #လွဲမှားစွာ )

၁။ ဟေတုပစ္စယော =

အကုသိုလ်ကင်း၍

ကုသိုလ်နှင့် ယှဉ်တွဲရပါစေသား။

၂။ အာရမ္မဏပစ္စယော =

မျက်စိနှင့်နားသည်

နိဗ္ဗာန်သို့ မျက် မှောက် ပြုရပါစေသား။

၃။ အဓိပတိပစ္စယော =

ရုပ်၊ နာမ်နှစ်ပါးကို

စောင့်ရှောက် ထိန်းသိမ်းနိုင်ရပါစေသား။

၄။ အနန္တရပစ္စယော =

များလှစွာသောကုသိုလ်တရားကို

မျက် မှောက် ပြုရပါစေသား။

၅။ သမနန္တရပစ္စယော =

ရုပ် နှင့် နာမ် အတူရှိသော တရားတို့ကို မျက် မှောက် ပြုရပါစေသား။

- စသည်ဖြင့် အမျိုးမျိုး အဖုံဖုံ

"မတန်မရာ" ရေးသား၍ ဖြန့်ဝေနေကြ,

Share နေကြသည်ကို တွေ့လိုက်ရပါသည်။

"ပဋ္ဌာန်း" ရွတ်လျှင် -

"ဘေးအန္တရာယ်ကင်းသည်၊ ဘုန်းကြီးသည်၊ ကုသိုလ်ရသည်"ဟုသာ သာမန်မျှ သိသော

``ပဋ္ဌာန်း´´ကြည်ညို သူတို့ အဖို့ -

"​ဪ ………

ဟေတု - ဆိုတာ ဒီလိုလား။

အာရမ္မဏ - ဆိုတာ လက်စသပ်တော့

"ဒီလိုကိုး" ဟူ၍ အပိုင်မှတ်ယူ လက်ခံသွားလျှင် ခက်ပေလိမ့်မည်။

မူလအစဉ်အလာကို လွန်ပြီး

ကွန့်လိုက်သော်

-မှန်လျှင် ကောင်းပါ၏၊

မမှန်လျှင်(မမှန်ဖို့က များ၏)

မသိနားမလည်

သူများအပေါ်``အပါယ်´´သို့ တွန်းချဘိ

သကဲ့သို့ ဖြစ်ပေလိမ့်မည်။

``ဘာသာရေး´´မှာ ဝင်၍

စတန့် မထွင်ထိုက်ပေ ၊

ဤသို့ စွဲမြဲစွာ သဘောထားလျှက်

" ပေါ့ပေါ့တန်တန် " မရေးဘဲ

အစဉ်အလာ``ဘုရားဟော ကျမ်းဂန်နှင့်အညီ ရေးသား သင့်ပေသည်။

``ဗုဒ္ဓ´´၏ ဒေသနာတော်များသည်•••

``အတိ ဂမ္ဘီရကြီး ( ၄ ) ပါး´´နှင့်

ပြည့်စုံပါ၏။

``ဗုဒ္ဓခေတ်´´အပါအဝင်``

ဘုန်းကံကြီးမားသူ´´ တို့မှ အပ -

``နှောင်းခေတ် လူတိုင်း´´အတွက် နားလည်ရန် ခက်ခဲသဖြင့်

``ပါဠိတော်များ´´ကို ဗုဒ္ဓ အလိုတော်ကျ

အနက်-အဓိပ္ပါယ် ဖွင့်ဆိုရှင်းလင်းမှသာ

အကျိုးများပေမည်။

.

#ပဋ္ဌာန်း၏ အဓိပ္ပါယ်

``ပဋ္ဌာန်း´´ဟူသည်

``ပဋ္ဌာန´´မှ လာခြင်း ဖြစ်ပြီး-

``ပဋ္ဌာန´´၏ အဓိပ္ပါယ်သည်

ပ = မျိုးစုံ, အမျိုးမျိုး၊

ဋ္ဌာန = အကြောင်းတရား။

#ပဋ္ဌာန

( "ပဋ္ဌာန်"အမျိုးမျိုးသော

အကြောင်းတရားများက စုပေါင်းပြီး

အကျိုးတရားများ ထုတ်လုပ်နေပုံကို

အကြောင်းအမျိုးမျိုး နှင့်

ရှင်းလင်းပြသော ဒေသနာတော် " ဟု

ဖွင့်ဆိုပါ၏ )

ကျမ်းကိုး -

ဒေါက်တာနန္ဒမာလာဘိဝံသ ၏ ``

ပဋ္ဌာန်းမြတ်ဒေသနာ´´ )

``ပဋ္ဌာန်းတရားတော်´´၌ လူ နတ် ဗြဟ္မာ´´

ဘုံတွေအကြောင်း မပါဝင်ဘဲ

ရုပ်-နာမ် များ၏ အကြောင်း၊

အထောက်အပံ့ အကျိုး များကိုသာ သီးခြားဟောသည့် တရား ဖြစ်၏။

``အကြောင်း နှင့် အကျိုး´´ကို အကျယ်ချဲ့သောအခါ #ပဋိစ္စသမုပ္ပါဒ်

#ပဋိစ္စသမုပ္ပါဒ် ကို

အကျယ်ထပ်ချဲ့ရင်

``ပဋ္ဌာန်းတရား´´ဟု ဆိုပါ၏။

"ရုပ် နာမ် ဓမ္မ"တို့၏ "သဘာဝဖြစ်စဉ်"ကို

ကြောင်းကျိုးယှဉ် တင်ပြထားသော

``ပဋ္ဌာန်းဒေသနာ´´ကို လေ့လာခြင်းဖြင့်…

ဖြစ်စဉ်၊ ဖြစ်ရပ်မှန်သမျှ

အကြောင်းမဲ့ ဖြစ်ပေါ်လာခြင်း မဟုတ်၊

``အကြောင်းကြောင့် -

အကျိုး ဖြစ်ပေါ်လာခြင်းသာ ဖြစ်၏ ဟု အမှန်ကို အမှန်အတိုင်း မြင်၍ ၊

အရှိကို အရှိအတိုင်း သိ၍ ၊

အရာရာကို ကြောင်းကျိုး ဆင်ခြင်

နိုင်ကြစေရန်…´´

``ယထာဘူတဉာဏ်´´ကို အခြေခံကာ

တရားအဆင့်ဆင့် မြင့်တက်လျက် ဘဝ၏ အနှစ်သာရဖြစ်သော

" မဂ်ဉာဏ် ၊ ဖိုလ်ဉာဏ် " ကို အထောက်အကူပြုနိုင်ရန် လေ့လာအပ်

သော တရားဖြစ်ပါ၏ ။

ပဋ္ဌာန်း ( ၂၄ ) ပစ္စည်း အနက်

အဓိပ္ပါယ် အစစ်အမှန်၏ အကျဉ်းချုပ်

၁။ ဟေတုပစ္စယော-

``ဟိတ်ခြောက်ပါး´´ဖြစ်၍``

ပစ္စယုပ္ပန် တရား´´တို့အား အမြစ်သဖွယ် ကျေးဇူးပြုတတ်သော တရား။

( ရေသောက် မြစ်လျှင်၊ ယင်းသစ်ပင်ကို၊

စည်ပင်စေမှု ၊ ကျေးဇူးပြု ၊

ဟေတုပစ္စည်းခေါ် )

၂။ အာရမ္မဏပစ္စယော-

``အာရုံခြောက်ပါး"ဖြစ်၍

ကျေးဇူးပြုတတ်သော တရား။

( တောင်ဝှေးကြိုးတန်း၊ သူမစွမ်းကို၊

မပန်းရစေ ၊ ထိုင်ထစေမှု ၊

ကျေးဇူးပြုပြန် - အာရမ္မဏခေါ် )

၃။ အဓိပတ္တိပစ္စယော-

``အကြီးအမှူး´´ဖြစ်၍

ကျေးဇူးပြုတတ်သော တရား။

( စကြာမင်းရှင် ၊ အုပ်စိုးသွင်သို့ ၊

ပြိုင်ရှင်မရှိ ၊ စိုးအုပ်ဘိ - အဓိပတိခေါ် )

၄။ အနန္တရပစ္စယော-

``အခြားမဲ့ (တဆက်တည်း အကြားမရှိ)

ဖြစ်၍ ကျေးဇူးပြုတတ်သော တရား။

( စကြာမင်းဖျား ၊ နတ်ရွာလားသော် ၊ သားကြီး နန်းရ ၊ ဖြစ်ရပမာ ၊

ခြားရာမရှိ-ကျေးဇူးရှိ )

၅။ သမနန္တရပစ္စယော-

``ကောင်းစွာ အခြားမဲ့´´

( တဆက်တည်း အကြားမရှိ ) ဖြစ်၍ ကျေးဇူးပြုတတ်သော တရား ။

( စကြာမင်းဖျား ၊ တောထွက်သွားသော်၊ သားကြီး နန်းရ ၊ ဖြစ်ရပမာ ၊

ခြားရာရှိ - ကျေးဇူးရှိ )

၆။ သဟဇာတပစ္စယော။

``အတူတကွ´´ဖြစ်၍

ကျေးဇူးပြုတတ်သော တရား ။

( ဆီမီး တောက်သော်၊ အလင်းပေါ်သို့ ၊

ထို့တူတသီး ၊ ပစ္စည်းပစ္စယုပ္ပန် -

အတူဖြစ်ဟန်ကို)

၇။ အညမညပစ္စယော-

``အချင်းချင်း အပြန်လှန် ကျေးဇူးပြုတတ်သော တရား ။

( သစ်သား သုံးခွ၊ ချင်းချင်းမသို့၊

အညမညံ ၊ ပြန်လှန်သမှု-ကျေးဇူးပြု )

၈။ နိဿယပစ္စယော-

``မှီရာဖြစ်၍´´

ကျေးဇူးပြုတတ်သော တရား။

(သစ်ပင်တည်ရာ၊ မြေပမာလျှင်၊

မှီရာတည်မှု- ကျေးဇူးပြု )

၉။ ဥပနိဿယပစ္စယော-

``အားကြီးသော အကြောင်းဖြစ်၍´´

ကျေးဇူးပြုတတ်သော တရား။

(မိုးကြီးပမာ၊ သတ္တဝါတွေ၊

တည်နေနိုင်မှု ၊ ကျေးဇူးပြု၊ -

ဥပနိဿယခေါ် )

၁၀။ ပုရေဇာတပစ္စယော-

``ရှေး၌ ဖြစ်နှင့်၍´´

ကျေးဇူးပြုတတ်သော တရား။

( ကမ္ဘာဦးက ၊ နေ နှင့် လသို့ ၊

ရှေ့ကဖြစ်လာ ၊ နောက်ကဖြစ်လာသည့် တရားစုစု- ကျေးဇူးပြု )

၁၁။ ပစ္ဆာဇာတပစ္စယော-

``နောက်၌ ဖြစ်၍´´

ကျေးဇူးပြုတတ်သော တရား။

(ဠင်းတ ငယ်သော်၊ အစာမျှော်သို့၊

နောက်ပေါ်လာသည့်၊ ပစ္စည်းတရားစု-

ကျေးဇူးပြု)

၁၂။ အာသေဝနပစ္စယော-

``အဖန်တလဲလဲ မှီဝဲထုံအပ်သည်ဖြစ်၍´´

ကျေးဇူးပြုတတ်သော တရား။

(ရှေးရှေးထုံထား၊ နံ့သာလားသို့၊

ရှေ့ဖျားကျမ်းဂန်၊ လေ့လာသန်လပ်၊ နောက်ထပ်ကျမ်းဂန်၊ အမြင်သန်သည် - ဧကန် အာသေဝန သဘောတည်း။)

၁၃။ ကမ္မပစ္စယော-

``အကြောင်းကံဖြစ်၍´´

ကျေးဇူးပြုတတ်သော တရား။

(မျိုးစေ့အလား၊ ပမာထား၍၊

နှစ်ပါးသော ကံ ၊ အခြေခံကာ ၊

ဝေဘန်သမှု-ကျေးဇူးပြု )

၁၄။ ဝိပါကပစ္စယော-

``အကျိုးဖြစ်၍´´

ကျေးဇူးပြုတတ်သော တရား။

(ချမ်းရိပ်နားနေ၊ သွန်းလေပြေသို့၊

ကံနေအလား၊ အဖြစ်များမှု-ကျေးဇူးပြု)

၁၅။ အာဟာရပစ္စယော-

``ထောက်ပံ့ ခိုင်ခံစေတတ်သည်ဖြစ်၍´´

ကျေးဇူးပြုတတ်သော တရား။

(အိမ်ကို ကျားကန်၊ ဖြစ်ရဟန်သို့၊

သဏ္ဍာန်တူစွ ၊ ထောက်ပံ့မသည့် ၊ အာဟာရဖြစ်မှု - ကျေးဇူးပြု။ )

၁၆။ ဣန္ဒြိယပစ္စယော-

``အစိုးရသည်ဖြစ်၍´´

ကျေးဇူးပြုတတ်သော တရား။

(မိမိဆိုင်ရာ၊ ကိစ္စမှာလျှင်၊

ကောင်းစွာစိုးရ ၊ ဖြစ်ရစင်စစ်၊ ပဒေသရာဇ်-စိုးအုပ်လှစ်သို့ )

၁၇။ စျာနပစ္စယော-

``ကမ္မဋ္ဌာန်းအာရုံသို့ကပ်၍

စူးစူးစိုက်စိုက် ရှုတတ်သည်၏

အဖြစ်ဖြင့်´´ကျေးဇူးပြုတတ်သော တရား။

(သစ်ပင်တောင်ငူ၊ တတ်သသူသည်၊

အောက်သူတို့အား-ကြည့်ပြောငြားသို့။)

၁၈။ မဂ္ဂပစ္စယော-

``သံသရာမှ ထွက် မြောက် ကြောင်း

နည်လမ်းဖြစ်၍´´

ကျေးဇူးပြုတတ်သော တရား။

(ပမာကူသို့၊ ဆောင်ယူပို့သို့၊

ထို့တူနိဗ္ဗာန်၊ ရောက်ကြောင်းမှန်ပြု -ကျေးဇူးပြု )

၁၉။ သမ္ပယုတ္တပစ္စယော-

``ယှဉ်သည်ဖြစ်၍´´

ကျေးဇူးပြုတတ်သော တရား။

(စတုမဓူ ၊ ရောသည့်တူပေ ၊

စိတ်စေနှစ်ပါး၊ ခွဲခြားမရ၊

ယှဉ်ကြသမှု-ကျေးဇူးပြု။)

၂၀။ ဝိပယုတ္တပစ္စယော-

``မယှဉ်သည်ဖြစ်၍´´

ကျေးဇူးပြုတတ်သော တရား။

(ရသခြောက်ပါး၊ ရောစပ်ထားသို့၊

ခြားနား မတူ၊ ဖြစ်ဟန်မူသို့၊

ထို့တူမခြား - ကျေးဇူးပြု။)

၂၁။ အတ္ထိပစ္စယော-

``ထင်ရှားရှိဆဲဖြစ်၍´´

ကျေးဇူးပြုတတ်သော တရား။

(မြင့်မိုရ်မြေကြီး၊ ထောက်ပံ့နည်းသို့၊ ပစ္စည်းသတ္တိ၊ ကျေးဇူးရှိ-

အတ္ထိပစ္စည်းခေါ် )

၂၂။ နတ္ထိပစ္စယော-

``မရှိသည်ဖြစ်၍´´

ကျေးဇူးပြုတတ်သော တရား။

(ငြိမ်းသေလေပြီး၊ ဆီမီးတန္တု

ကျေးဇူးပြုသို့ ၊ ထို့တူမှတ်ဘိ၊

မရှိသမှု-ကျေးဇူးပြု။)

၂၃။ ဝိဂတပစ္စယော-

``ကင်းမဲ့ချုပ်ပျောက်သည်ဖြစ်၍´´

ကျေးဇူးပြုတတ်သော တရား။

(နေရောင်ပျောက်ကင်း ၊ လရောင်လင်းသို့ ၊

ချုပ်ကင်းလေမှု- ကျေးဇူးပြု။)

၂၄။ အဝိဂတပစ္စယော-

``မကင်းသည်ဖြစ်၍´´

ကျေးဇူးပြုတတ်သော တရား။

(သမုဒ္ဒရာ၊ ငါးပျော်ရာသို့၊ မကင်းသောအား၊

ယင်းတရားစု-ကျေးဇူးပြု)

ဣတိ = ဤသို့၊

စတုဝီသတိ ပစ္စယာ = နှစ်ဆယ့်လေး

ပစ္စည်းတို့သည်၊

မဟာပကရဏေ = အနန္တနယ

သမန္တ မဟာပဋ္ဌာန်းကျမ်းကြီး၌၊

ဌိတာ = တည်ကုန်သည်၊

ဟောန္တိ = ဖြစ်ကုန်၏။

အမှန်ထိုးထွင်း

အလင်းထင်ပေါ်

သိမြင်နိုင်ကြပါစေ ...

မူရင်းတင်သူ

#Ashin Pan Dita -

ဦးသိန်း

# ဓမ္မနှင့်အထွေထွေဗဟုသုတ