အမေရိကန်နိုင်ငံရှိ နာဆာ (NASA) တွင် တာဝန်ထမ်းဆောင်လျက်ရှိသော ဒေါက်တာပဒေသာတင် ဆရာကြီး စေတနာ ဟောပြောချက်များနှင့် အတွေ့အကြုံများကို American Center (2018) တွင် နားထောင်ခွင့်ရခဲ့ပါသည်။ အချိန်ကောင်း တစ်ခုအတွက် အမှတ်တရတစ်ခုပါပဲ.
မြန်မာနိုင်ငံ က ရူပဗေဒ ဘွဲ့ရ တစ်ယောက် ကျောင်းသား တစ်ယောက် အတွက် အားရစရာ တစ်ခုကို ရရှိခဲ့တယ်လို့ ခံစားမိပါတယ်။
၂၅-၆-၂၀၂၀ ရက်တွင် ကျင်းပသော သုတေသနညီလာခံ ဖွင့်ပွဲနေ့တွင် ပညာရေးဝန်ကြီးဌာန ပြည်ထောင်စုဝန်ကြီးက အဖွင့်အမှာစကားပြောကြားပြီး ဟောပြောသူများအဖြစ် အမေရိကန်နိုင်ငံရှိ နာဆာ (NASA) တွင် တာဝန်ထမ်းဆောင်လျက်ရှိသော ဒေါက်တာဦးပဒေသာတင်က ‘သုတေသန အရေးပါမှုနှင့် မြန်မာနိုင်ငံတက္ကသိုလ်များ၏ အခန်းကဏ္ဍ’ ဟူ၍ ဟောပြောရာတွင် အောက်ဖော်ပြပါ -
(က) ကမ္ဘာနှင့် ရင်ပေါင်တန်း၍ ပြည်သူပြည်သားတိုင်း လူမှုအဆင့်အတန်း မြင့်မားစွာဖြင့် ပျော်ရွှင်စွာ နေထိုင်ရေး။ ။
(ခ) တိုင်းပြည်အချုပ်အခြာအာဏာ တည်မြဲရေး၊ နိုင်ငံသူနိုင်ငံသားအားလုံး ငြိမ်းချမ်းစွာနေနိုင်ရေး။
(ဂ) နိုင်ငံသားတိုင်း ကျန်းမာစွာနှင့် အသက်ရှည်စွာနေထိုင်နိုင်ရေး။
(ဃ) အနာဂတ် အမိမြန်မာနိုင်ငံ တိုင်းရင်းသားအားလုံး သားစဉ်မျိုးဆက် တစ်လျှောက်လုံး ပိုမိုကောင်းမွန်သော လူမှုအဆင့်အတန်းရရှိရန်နှင့် အခွင့်အလမ်းကောင်းများရရှိရန် စသည့်အချက်များကြောင့် သုတေသနသည် တိုင်းပြည်ဖွံ့ဖြိုးမှုအတွက် အရေးပါလှကြောင်းကို ပြောကြားသွားပါသည်။
ထို့အပြင် သုတေသီကောင်း (Good Researcher) တစ်ယောက်၏ အရည်အချင်းမှာ -
(၁) ပညာရပ်ဆိုင်ရာ တတ်ကျွမ်းနားလည်မှု၊
(၂) အခြေခံအောက်သက်ကျေရန် လိုအပ်မှု၊
(၃) မိမိသက်ဆိုင်ရာ ဘာသာရပ်အပြင် အခြားဘာသာရပ်များကို ဆည်းပူးလေ့လာသင့်မှု၊
(၄) ပညာရပ်ဆိုင်ရာ နှီးနှောဖလှယ်မှု၊
(၅) နိုင်ငံခြားဘာသာ ရေး၊ ဖတ်ကျွမ်းကျင်မှု၊
(၆) စာသင်ကြားတတ်မှု၊
(၇) သုတေသနသည် အစစ်အမှန် (authentic) ဖြစ်ရပါမည်ဟူ၍လည်းကောင်း ဟောပြောပို့ချသွားပါသည်။
Comments
Post a Comment